Версия для печати
Понедельник, 23 Ноябрь 2015 08:41

Кыргызстандын ЕАЭБга мүчө болгонуна 100 күн

19-ноябрь күнү Өзгөчө кырдаалдар министрлигинде бул датага байланыштуу Евразиялык экономикалык комиссиянын кеңейтилген отуруму болду. Бул иш чара видео көпүрө форматында өтүп, ага Россиянын жана Кыргызстандын бардык аймактары тартылды.

Союзга мүчө мамлекеттердин экономикалык потенциалын натыйжалуу пайдалануу үчүн өз ара пайдалуу соода-экономикалык мамилелерди өнүктүрүү жана бекемдөөгө байланышкан маселелерди талкуулоо максатында Ош-Бишкек-Москва теле көпүрөсү аркылуу уюштурулган иш чарага Ош шаарынын вице-мэри И.Эргешов, шаардагы жана облустагы тийиштүү кызматтардын жетекчилери катышышты.

Ош шаарынын вице-мэри Ильич Эргешовго кыскача суроо менен кайрылдык.

-Кыргызстандын Евразиялык экономикалык биримдигине киришине байланыштуу Ош шаарында кандай иштер жүргүзүлүп жатат?

-Мэриянын тышкы байланыштар жана бизнес-чөйрөнү өнүктүрүү агенттиги тарабынан «Оржемиль» ЖЧКсына 75,0 миң АКШ долларына, «Келечек» АКсына 100,0 миң АКШ долларга инвестициялык долбоор түзүүгө көмөк көрсөтүлдү. Экономика министрлигинин алдындагы инвестицияларды илгерилетүү боюнча агенттикке жөнөтүлдү.

Экспорттук багытта иштеген ишканаларды жандандыруу максатында «Ош жашылча-жемиш комбинатына» 2,0 млн. АКШ долларына, «Ош насос заводуна» жаңы техникалык жабдуулар менен жабдып, өндүрүштүк кубаттуулугун жогорулатуу максатында 2,0 млн. АКШ долларына долбоор түзүп, Кыргыз-Россия өнүгүү фондунан инвестиция алуу үчүн Экономика министрлигине жөнөттүк. «Ода-Юг» ЖЧКсына 275,0 миң АКШ долларга долбоор жазылып, Оштогу Кытай Эл республикасынын соода-экономика боюнча консулуна берилди.

Шаардагы «Текстильщик» ишканасынын базасында жылына 35 миң тонна жашылча, мөмө-жемиштерди топтоп, сактап жөнөтүүгө бардык коммуникациялык шарты бар жаңы технологиялык жабдуулар менен жабдыла турган инфратүзүм жактан эл аралык соода-сатыкты тейлөөгө мүмкүнчүлүгү бар логистикалык борбор ачуу каралып жатат.

 

 

Окулду 825 жолу