Дээрлик бардык төрөтканада “операция жолу менен бекер төрөдүм” деген аялзатын жолуктуруу кыйын болуп калды. “Төрөтканага киргенден баштап фондго деп  акча сурашат” деген эле аялдар. Ошондон улам кош бойлуу айымдарга медициналык кызмат көрсөтүү кандай жүрөт, кайсынысы бекер, кайсыга акча төлөө керек деген суроолорго ММК фондунун Ош аймыктык башкармалыгынын адиси   А.Дуйшоева жооп берет.

Кош бойлуу айымдар үй-бүлөлүк  дарыгерлер тобунда (YДТ) же үй-бүлөлүк дарыгерлер борборунда (YДБ) каттоодо турган мезгилде, жолдомо болгон учурда, кымбат баалуу изилдөөлөрдөн тышкары бардык лабораториялык изилдөөлөрдү акысыз алууга укугу бар.

 Ошондой эле кош бойлуулук боюнча жашаган жеринен каттого турганда (индивидуалдык картага да акча төлөнбөйт!)

 Дарылоо:

- токтоосуз тез жардам көрсөтүү;

- иммобилизация;

- медикаментоздук дарылоону дайындоо;

- медициналык ийне сайып(ички көк кан тамырга, булчуӊга, тери астына) дарылоо  акысыз жүргүзүлөт.

Каттоодо турган кош бойлуу айымдарга стоматологиялык жардамдын төмөнкү түрлөрү акысыз көрсөтүлөт:

- ооз көӊдөйүн кароо;

- ооз көӊдөйүн  санациялоо.

   ММК фондунун кошумча программасы аркылуу кош бойлуу айым камсыздандырылган болсо жеӊилдетилген түрдөгү дары-дармектерди рецепт аркылуу ала алышат:

- аз кандуулук боюнча дарылар(тардиферон, гинотардиферон, феррумлек, орофер жана башкалар);

- фолий кислотасы(биринчи үч айлыкта колдонууга);

- калий йод;

Андан тышкары  маалымдамада кош бойлуулуктан сактануу үчүн

- горманалдык бойго бүтүрбөөчү каражаттар(Регивидон, Три-Регол) жана ВМС(спираль) көрсөтүлгөн.

Эсиӊерде болсун!

ММК рецеби боюнча атайын маалымдамада көрсөтүлгөн дары-дармектерди сатып алганда, сиз анын бир бөлүгүн гана төлөйсүз. Калган бөлүгү мамлекеттик каражаттардан төлөнөт!

Мисалы, бир дарыканада Йодобаланс-200-100 таблеткасынын баасы 188 сом болсо, мамлекеттик каражаттардан 114 сом төлөнөт (төлөй турган баасы маалымдамада көрсөтүлөт), бейтаптын төлөгөнү 74 сом болот, эки баанын айырмасы!

Канчалык дарынын баасы арзан болсо, ошончулук сиз төлөй турган сумма арзандайт!

Аталган маалымдама менен ар бир үй-бүлөлүк дарыгерден, дарыканадан жана ММК Фондунун сайтынан таанышса болот.

Төрөт акысыз!

Стационарларда медициналык жардам акысыз көрсөтүлөт.

- кош бойлуулугунун патологиясы менен келген аялдарга,

- төрөткө келгендерге,

-төрөттөн кийин 10 жуманын ичинде кошумча оорулары пайда болгон аялдарга.

Операция(кесарево сечение), наркоз-акысыз!

  Ооруканадан чыкканда чыгаруу выпискасы акысыз берилет!

Камсыздандырылган жарандардын укуктары жана милдеттери:

- жашаган жери боюнча үй-бүлөлүк медицина борборундагы үй-бүлөлүк дарыгердин каттоосунан өтүү;

- эгерде камсыздандырылбаган болсо, ММК полисин алуу;

- медициналык кызматкерлерге ызаат көрсөтүп, алардын эмгегин баалоо;

- медицина мекемелеринде бекитилген эрежелерди так сактоо.

Эгерде сиз: Медициналык жардам алууда  укугуӊузду билгиӊиз келсе же сиздин укугуӊуз бузулган болсо Милдеттүү медициналык камсыздандыруу Фондунун  113 Ыкчам байланыш (чалуу акысыз) телефонуна кайрылыӊыз.