Версия для печати
Понедельник, 18 Февраль 2019 05:09

Оогандагы от кечкен күндөр…

1979-1989-жылдары  Афганистандагы  согушка  Кыргызстандан  7141 жоокер барган. Алардын ичинен 300дөн ашууну курман болуп, бир жарым миӊдейи жараат алышкан. Ооган согушунда алган  психологиялык  стресстен («афган синдрому») улам эч жерде иштей албай, көпчүлүгү оорукчан болуп калган. 15-февралда мурдагы Советтер Биримдигинин Ооганстандан өз аскерин чыгарганына 30 жылдын жүзү болот.

Ооган согушуна 30 жыл

Ооган согушуна  Ош шаары боюнча 751 жоокер барган. Алардын ичинен 19 жоокер өз мекенине кайтпай курман болгон. Учурда 396 ардагер бар. Калган ардагерлер ар кандай оорулардын кесепетинен бул дүйнө менен кош айтышып кетишкен. Ооган согушунун ардагерлерине  республикалык бюджеттен ай сайын 6000 сомдон пенсия каралган. Андан сырткары жыл сайын шаардык мэриянын колдоосу менен  15-февраль  күн ооганчылардын  эскерүү кечеси өткөзүлөт. Ал кечеге ооган согушунан  өз элине -жерине кайтпай курман болгон жоокерлердин жакындары чакырылып, материалдык колдоо көрсөтүлүп, эскерүү кечеси Токтогул паркында аскер тартибинде өткөзүлөт. Быйыл ооган согушунун 30 жылдыгына карата 150гө жакын ооган согушунун ардагерлеринин китеби жарык көрдү. Бул китептер 15-февраль күнү тапшырылды.

Окулду 418 жолу