Версия для печати
Понедельник, 18 Февраль 2019 05:11

Шамиль Сиразитдинов: «Согуш талаасында миӊдеген жаштардын жаны кыйылды»

-1978-жылы 2-ноябрда  Витебск шаарына аскер кызматын өтөгөнү барганмын. Ал жерде кызмат өтөп жүрүп 1979-жылы Балхаш шаарына бардым,  андан соӊ тез эле убакыттын ичинде  Афганистандын Баграм шаарына жиберишкен. Мен да башка жоокерлер сыяктуу  согуш талаасында душмандар менен салгылаштым. Алгач эми өз мекениме кайтпай каламбы деген коркуу сезим болгон. Анткени ал жакта согуш абдан катуу болуп жаткан учур эле. Канчалаган жаш балдар окко учуп курман болушту. Душмандар койгон торго түшүп, аябай кыйынчылык менен  өлтүрүлгөн жоокерлер да көп болгон. Согуш талаасында канчалаган жаштардын жаны кыйылды. БТР минип душмандарды аткылайбыз,  алар гранаталарды бизге карап атышат… Гранатадан атылып чыккан чачырандылар  айрым досторума тийип жарадар болушту. Андай апааттуу согуш башка эч кайталанбасын, биздин балдар андай күндөрдү көрбөсүн дейм.

Окулду 277 жолу