Версия для печати
Понедельник, 18 Февраль 2019 05:16

Калык Атагожоев: «Согуш канчалаган үй-бүлөнү бактысыз кылды»

-Мен 1985-жылы бардым.  Афганистандын Кабул шаарында болдум. Афганистан демократиялык  республикасындагы  СССРдин чектелген аскер контингентинин  40-армиясында кызмат өтөдүм, андан сырткары башкы эсепчи болуп да иштеп жүрдүм. Көп учурда штабдан чыгып жолдо баратканыбызда БТРге душмандар бомба таштап, аткылашчу. Андай учурлар аябай көп болду. Ар убак аман-эсен жолдон өтүп кетсек деп кооптонуп жетчүбүз. Кыргызстандан  барган 18-19 жаштагы кыргыз жоокерлери көп  каза болушту. Аларды көрүп көз жаш төгүп ыйлайм, анткени мекендешим, журтташым, бир боорлор эле да… Аты жаман  согуш канча адамдын өмүрүн кыйып кетти. Канчалаган үй-бүлөнү бактысыз кылды,  айтор андай аянычтуу апаат эч убак кайталанбасын.

     Ооган жери субтропиктик аймак болгондуктан 70 градуска чейин ысык болот.  Байкуш айрым жоокерлер ич келте сыяктуу оорулар менен оорушкан. Ошентип кыйынчылыктардан кийин 1987-жылы өз мекениме аман-эсен кайтып келдим.

Окулду 370 жолу