Версия для печати
Понедельник, 15 Февраль 2016 04:13

Эркектер арасында волейбол жана баскетбол мелдеши өтөт

Ошто 23-февраль - Ата мекенди коргоо күнүнө карата 18-19-февраль күндөрү эркектер арасында волейбол жана баскетбол мелдеши өтөт.

Мелдеш эки топко бөлүнүп өткөрүлөт:

1-топ, Ош шаарында жайгашкан бардык каалоочу  мекеме-ишканалардын, күч курамдардын, билим берүү, медицина жана коомдук уюмдардын кызматкерлери арасында;

2-топ, шаардагы жогорку жана орто окуу жайларынын студенттери  арасында.

Мелдештин финалдык таймашында жеңишке жеткен командалар Ош шаардык дене тарбия жана спорт комитети тарабынан диплом, кубок жана баалуу белектер менен сыйланат.

“ Бул мелдештин негизги максаты республикалык, эл аралык мелдештерге Ош шаарынан мыкты спортчуларды жана курама командаларды тандап алуу, спортту калк арасында пропагандалоо, аларды спорт менен машыгууга үндөө жана шаардыктардын маанайын спорт аркылуу көтөрүү болуп эсептелет. Ошондуктан шаардагы бардык каалоочу мекеме, ишканалар жана окуу жайлардын командалары катыша алат”,-деди Ош шаардык дене тарбия жана спорт комитетинин төрагасы Кылычбек Саркарбаев.

 Иш чара 18-19-февраль күндөрү түштүк аймактык жаштар жана өспүрүмдөр спорт мектебинде өтөт.

Табыштамалар 17-февралга чейин Ош шаардык дене тарбия жана спорт комитетинде кабыл алынат.

Дареги: Ош шаары, Супаналиев көчөсү 1.

 

Байланыш телефондору: (03222) 2-50-34, 2-76-91.

Окулду 1163 жолу