Версия для печати
Понедельник, 15 Февраль 2016 05:00

Кыштын кыштай болгону жакшы…

Калаабызга кыш кечигип келди. Дегенибиз, февралдын ортосунда жааган карды көрүп көбү “кыштын кыштай болгону жакшы” деп кубанып турган чагы. Ош шаарындагы жолдорду кар-муздан тазалоо иштери бир нече ишканаларга бөлүнүп берилген. Ар бир мекеме өзүнүн аймагын тазалап, туз себүү менен алектеништи башташты. Алсак, «Ош-Тазалык» ишканасынын 4 техникасы жана 200 дөй жумушчусу жол тазалоого тартылды. Жолдорду кардан арылтуу жумуштары таңкы саат 05:00дө башталган. Бул тууралуу ишкананын жетекчиси Талант Капаров билдирди. Техникалар жол четине үйүлүп калган карларды сүрүп, тазалады. Ошондой эле кызматкерлер жол четин, тротуарларды тазалашты. Ишкананын кызматкерлери нөөмөткө туруп, жолдордун абалына көз салып турушат. Жааган кар тез эле ээрип кеткендиктен туз себүүгө муктаждык болгон жок. «Кар сүрө турган эки трактор жана кар ташуучу эки техника бүгүн биздин ишканага бөлүнгөн аймактын жолдорун тейлешти. Андан тышкары кызматкерлер жолдун четин шыпырып, кардан жана таштандыдан тазалашты. Эртеңкиге да 3 трактор, 2 жүктөөчү техника жана 8 самосвал даяр. Эгер жолдордогу кар суукта тоңуп, тайгак болсо түнү менен туз сээп чыкканга даяр турабыз»,-деди ишкана башчысы Т.Капаров.

Окулду 915 жолу