Коллегиялык отурумдун соңунда шаардын ѳнʏгʏшʏнѳ кошкон социалдык-экономикалык салымы жана биологиялык, социалдык мʏнѳздѳгʏ ѳзгѳчѳ кырдаал пайда болгон учурдагы чечкиндʏʏ аракеттери ʏчʏн Ош шаарынын мэри Таалайбек Сарыбашов бир канча мекеме-ишканаларды сыйлады.

Шаардагы алдыңкы ишкана жана мекемелер 2020-жылдын жыйынтыгы менен “Эң мыкты” аталып, ардак грамота жана 20 миң сомдон акчалай сыйлыктар тапшырылды: - "Коргоо, укук тартипти сактоо жана ѳзгѳчѳ кырдаалдар чѳйрѳсʏндѳгʏ мыкты мамлекеттик мекеме" номинациясы - Ѳзгѳчѳ кырдаалдар министрлигинин Ош шаары боюнча башкармалыгы;

- «Жергиликтʏʏ ѳз алдынча башкаруу чѳйрѳсʏндѳгʏ мыкты муниципалдык мекеме» номинациясы - №6 «Курманжан-Датка» муниципалдык аймактык башкармалыгы;

- "Шаардык тейлѳѳ жана транспорт жаатындагы мыкты муниципалдык ишкана" номинациясы – "Оштогу кѳрктѳндʏрʏʏ жана жашылдандыруу чарба комбинаты" муниципалдык ишканасы;

- "Шаар куруу жана архитектура жаатындагы мыкты муниципалдык мекеме" номинациясы боюнча - Ош шаарынын мэриясынын капиталдык курулуш бѳлʏмʏ;

- «Шаар куруу жана архитектура жаатындагы мыкты муниципалдык ишкана» номинациясы - Ош шаардык мэриясынын муниципалдык ипотекалык ишканасы;

"Социалдык жана маданий ѳнʏгʏʏ чѳйрѳсʏндѳгʏ мыкты мамлекеттик мекеме" номинациясы: - Ош облусу боюнча кызматтын иш-аракеттерин координациялоо милдети жʏктѳлгѳн Ош шаардык оорулардын алдын алуу жана мамлекеттик санитардык-эпидемиологиялык кѳзѳмѳлдѳѳ борбору;

- Ош шаарынын ʏй-бʏлѳлʏк медицина борбору;

- Ош шаардык клиникалык ооруканасы.