29-сентябрда, Ош шаардык Кеңешинин кезектеги XXII сессиясынын жүрүшүндө калаа башчысы Жанарбек Акаев шаарда жаңы инновациялык билим берүү мекемеси куруларын расмий түрдө жарыялады.
Мэрдин берген маалыматына ылайык, учурда зээндүү жана таланттуу балдарга багытталган «Акылман» лицейинин имаратына капсула салууга кызуу даярдыктар көрүлүүдө.
Эскерте кетсек, буга чейин өлкө башчысы Садыр Жапаров заманбап үлгүдөгү мындай президенттик лицейлердин филиалдарын республиканын ар бир облусунда ачуу пландалып жатканын билдирген. Жаңы курула турган мекеме түштүк борборундагы жаш таланттардын тереңдетилген билим алуусуна жана инженердик-техникалык багыттарды өздөштүрүүсүнө чоң шарт түзмөкчү.
About The Author
