14 июня, 2024

Шаардагы жаңы конуштарда жашаган жарандардын жашоо шартын жакшыртуу боюнча жыйын болуп ɵттʏ

Ош шаардык Кеңешинин кичи жыйындар залында “АРАКЕТ” Швейцариялык долбоору тарабынан Ош шаарында жаңы конуштарда жашаган жарандардын жашоо шартын жакшыртуу жана ишке ашыруу боюнча жыйын болуп ɵттʏ. Ага Ош шаардык Кеңешинин тɵрагасы Салман Назылбеков, депутаттар Турдубаева Гулсара, Арзиев Эсенбек, Эрмекбаев Толкун, Раимбердиева Аида, Таалайбек уулу Айбек, Токтосунов Аскат жана долбоордун ɵкʏлдɵрʏ катышышты.

Жыйындын жʏрʏшʏндɵ Эдельвейс, Алай 1, Алай 2 жаңы конуштары жана Манас-Ата ʏй-жатаканаларынын кɵйгɵйлɵрʏн чечʏʏ боюнча долбоорду эл ɵкʏлдɵрʏ кенен талкуулашып, ɵз сунуштарын айтышты. Ошондой эле жаңы конуштардын инфраструктурасын ɵнʏктʏрʏʏ учурдун талабы экендиги белгиленди.