Ош шаарынын Төлөйкөн айылдык аймактык башкармалыгына караштуу Озгур айылында №90 “Коңур жаз” жаңы мектепке чейинки билим берүү мекемеси өз эшигин ачты.Бул социалдык объект өлкө башчысынын демилгеси менен Эгемендүүлүк күнүнө карата салтка айланган “100 жаңы объект” долбоорунун алкагында курулду. Мекеменин расмий ачылыш аземи Кыргыз Республикасынын Президенти Садыр Жапаровдун катышуусунда онлайн форматта өттү.Заманбап бала бакчанын курулушу 2025-жылдын соңунда (декабрь айында) башталган. Имарат жергиликтүү бюджеттин каражатына тургузулуп, ичи наристелердин сапаттуу тарбиялануусу, коопсуздугу жана өнүгүүсү үчүн эң керектүү заманбап эмеректер, жабдыктар менен толук жабдылган.Буга чейин Озгур айылында бир гана мектепке чейинки мекеме иштеп, орун тартыштыгы чоң көйгөй жаратып келген. Жаңы бакчанын ачылышы жергиликтүү калктын бул муктаждыгын чечип, наристелердин мектепке чейинки билим алуусуна кеңири шарт түзөт.
About The Author
