Легендага айланган Mercedes-Benz

1991-жылы Женевадагы автосалондун сахнасында кɵрсɵтʏлгɵн жаңы унаа кɵпчʏлʏктʏ таң калтырды. Ал “Mercedes-Benz W140” аталышындагы темир тулпар болчу. Мерседестин жаңы сериясы жɵн гана унаа эмес ошол мезгилдин символуна айланып, бул инженердик ойлоп табуу эң сонун технология менен жасалган чыныгы флагман болгон.

Аталыштагы “S-class” же “sonderklass” сɵзʏ немис тилинен “ɵзгɵчɵ класс” деген маанини билдирет. Аталган модель дээрлик он жыл бою жасалып, эң жогорку сапат жана коопсуздук талаптарына жооп бергидей иштелип чыккан. Компания бул унаасы аркылуу бизнес-класстагы автодʏйнɵдɵ жаңы доорун баштаган.

Тынчыкты камсыз кылган темир тулпар

Мерседес-бенц W140 модели чыгарылган мезгилде технология жагынан да ɵзгɵчɵлɵнʏп, бир катар инновациялар менен жабдылган. Алгачкы жолку электр менен жабыла турган эшиктер, аба жаздыкчалары, электрондук туруктуулук системасы (ESP), ошондой эле ызы-чуудан коргоочу айнектердин жана дʏйнɵдɵгʏ биринчи парктрониктердин орнотулушу W140ты ошол кездеги конкуренциядан бир топ алдыга сууруп чыккан. Узундугу 5 метрден, салмагы 2 тоннадан ашык болгон. Салонду кымбат тери менен каптап, ыңгайлуулук эң жогорку деңгээлде уюштурулган. Отургучтар электр менен кыймылдап, арт жагында муздаткычка чейин болгон. Унаанын ичи ушунчалык тынч болгондуктан жʏргʏнчʏлɵр шыбырашып сʏйлɵшʏшкɵн.

Лидерлер тандаган унаа

Бул темир тулпарга дʏйнɵ лидерлери, анын ичинде Рим папасы отурган. Ал тургай Ватикан ʏчʏн атайын “папамобиль” да жасалган. Россиянын биринчи президенти Борис Ельцин кызматтык автоунаа катары Мерседес-бенц S600 моделин колдонгон. Диана ханшайымдын кортежиндеги коопсуздук унаалары Мерседес-бенц W140 ʏлгʏсʏнʏн брондолгон версиясы болгон. Мерседес-бенц W140 дʏйнɵнʏн эң беделдʏʏ, атактуу инсандарынын да тандоосу болгон. Мисалы Майкл Джексон поп-музыканын падышасы, жеке гаражында W140 ʏлгʏсʏн сактаган. Рэп легендасы Тупак Шакур ɵмʏрʏнʏн акыркы кʏндɵрʏндɵ ушул унаа менен жʏргɵн. Ал эми КМШ ɵлкɵлɵрʏндɵ болсо бул модель “чоң байкенин унаасы”, “аброй символу” деген аталыштар менен кеңири таанымал болгон.

Грузиянын президенти Эдуард Шеварднадзеге кол салуу болгондо анын бронь менен корголгон Мерседес-бенц W140 унаасы автомат жана гранатомет менен аткыланган. Эки снаряд тийгенине карабастан унаа президентти аман сактап калат. Бул окуядан кийин Мерседес-бенц компаниясы президентке жаңы унаа белек кылып, башка пиарга муктаж да болгон эмес.

Постсоветтик доор: абройдун жана коркунучтун символу

1990-жылдары Мерседес-бенц W140 постсоветтик ɵлкɵлɵрдɵ байлык менен бийликтин символуна айланган. Эл арасында ал жɵн гана “шестисотый” же “кабан” деп аталып кеткен. Анын кɵрʏнʏшʏ чоң, салмагы оор, ал эми престижи жогору болгон. Аны менен кɵбʏнчɵ саясатчылар, ишкерлер, криминал дʏйнɵсʏнʏн ɵкʏлдɵрʏ жʏрʏшчʏ. Эл арасында анекдоттор, уламыштар жаралып, ал тасмаларда башкы каармандын унаасына айланган. “Бригада”, “Бандитский Петербург”, “Крот” ɵңдʏʏ тасмаларда Мерседес-бенц W140 кʏч менен бийликтин жʏзʏ болгон.

Brabus жана AMG: кошумча кʏч

Мерседес-бенц ɵзʏнʏн эң жогорку моделин чыгарып жатканда да ал тургай Brabus жана AMG сыяктуу атайын тюнинг-ательелери аркылуу унаанын бардык мʏмкʏнчʏлʏктɵрʏн калыптандырып, аны дагы да жогору деңгээлге кɵтɵргɵн. 7.3 литрдик кыймылдаткыч, 582 ат кʏчʏ, 100 км/саат, 4.9 секундга жетʏʏ мʏмкʏнчʏлʏгʏ, бул жогорку класстагы унаа ɵзʏнʏн техникалык жактан эң мыкты кɵрсɵткʏчтɵрʏнɵ ээ болгондугун кɵрсɵттʏ. Brabus версиясы ошол учурда 400 миң доллардан жогору бааланган, бул унаанын элиталык статусун дагы бекемдеген. Brabus салондо телевизорлор, видеомагнитофон, факс, табигый тери менен капталган ички бɵлʏктɵрдʏ орнотушкан.

Мерседес-бенц W140 ʏчʏн жасалган V12 кыймылдаткычы кийин дʏйнɵлʏк суперкарларда Pagani Zonda, Lotec Sirius, Mega Track — дʏйнɵдɵгʏ алгачкы люкс, жол тандабас купе Mercedes-Benz CLK GTR — гонкалык чемпион унаасында да колдонулган.

Бизнес-класстын лидери бойдон калууда

1998-жылы Mercedes-Benz W140 жаңы муундагы W220 моделине жол бошоткон. Бирок анын оорду унутулган жок. Бʏгʏнкʏ кʏндɵ Mercedes-Benz S-классы дʏйнɵ жʏзʏндɵ бизнес-класстын лидери бойдон калууда. Бул ийгиликке жол ачкан унаа дал ушул легендарлуу Мерседес-бенц S-class W140 болду.

“Башында сен репутация ʏчʏн иштейсиң, кийин репутация ɵзʏ сага иштеп берет”, — дешет. Бул цитатага эң туура келген мисал — Мерседес-бенц W140. Ал ɵз доорунун гана эмес, замандын жʏзʏн сʏрɵттɵп берген унаа катары эстелик бойдон калды.

Дооран Токтошев