Ош шаардык кеңешинин вице-спикери Ниязбек Нурбаев: Жɵнɵкɵйлʏк, достук жана элге кызмат

Балалык – тʏпкʏ тарбиянын негизи

-Мен 1976-жылы 22-июнда Ош шаарына караштуу Жапалак айылында тɵрɵлгɵм. Ал учурда биздин айыл Кара-Суу районуна карачу.

1983-жылы Жапалактагы Алиев атындагы орто мектепке барып, аны 1993-жылы аяктадым. Жогорку окуу жайга тапшыруу ошол кезде ɵтɵ кыйын болчу. Алгачкы жылы окууга ɵтпɵй калдым, бирок ʏмʏтʏмдʏ ʏзбɵй 1994-жылы Ош мамлекеттик университетинин юридика факультетине тапшырып, 2000-жылы ийгиликтʏʏ бʏтʏрдʏм.

“Атам – идеал, апам – тирек”

-Атам айыл чарба тармагында жетектɵɵчʏ адис болуп иштечʏ. Апам болсо ʏйдɵ тогуз бир туугандын тарбиясы менен алек болуп, балдарын багып, ʏйдʏн уюткусун кармаган кожойке эле.

Кумир туткан адамым — атам. Анын жанында жʏрʏп, жашоону ʏйрɵндʏм. Атам 1993-жылы пенсияга чыккандан кийин айыл башчысы болуп, эл менен тыгыз иштешип калды. Анын элге болгон мамилеси, ʏлгʏлʏʏ жʏрʏм-туруму мага чоң сабак болду.

Баланын тарбиясы боюнча айтсам, ɵзгɵчɵ уул бала — негизинен атанын жʏрʏм-турумуна карап калыптанат экен. Атам жаш кезинде тамеки тартпаган, ичкилик ичпеген, эмгекчил адам эле. Биздин ʏй-бʏлɵдɵ азыр да эч ким тамеки тартпайт.

Кыялдагы агрономдон – кесипкɵй юристке

-Жаш кезимде “Ким болосуң?” деп сурашса, “Атамдай агроном болом” деп жооп берчʏмʏн. Бирок СССР тарап, айыл чарба системасы иштен чыгып калган кезде, ʏй-бʏлɵлʏк кеңеш менен юрист болууну туура кɵрдʏм.

Студенттик кезде милицияга стажировкага барып, тергɵɵ иштерине катышып жʏрдʏм. Андан кийин курулуш компаниясына жумушка кирип, бул тармакка толугу менен аралашып кеттим. Юрист болгонум менен 15–20 жыл курулуш тармагында эмгектендим.

Курулуш – сооп иш

-2008–2009-жылдары Ош шаарындагы алгачкы кɵп кабаттуу имаратты – ОшМУнун Бизнес жана менеджмент факультетинин имаратын курдук. Бул мен ʏчʏн ɵзгɵчɵ сыймык. Ал имаратты кɵргɵн сайын “Биз элге курулуш аркылуу кызмат кылдык” деген сезим жан дʏйнɵмдʏ бийлейт.

Курулуш – эң сооптуу иш. Кыргыз эли: “Жол салган, суунун кɵзʏн ачкан, курулуш кылган адам соопко калат”, — деп бекеринен айткан эмес.

Саясаттагы алгачкы кадамдар

-2020-жылы Ош шаардык кеңешинин шайлоосуна катышууга сунуш тʏшкɵн. Бирок ал шайлоо белгилʏʏ себептерден улам ɵтпɵй калган. Айылдаштарым: “Сени кɵрсɵттʏк эле, барбай койдуң”-, деп таарынышкан.

Ошондуктан, 2024-жылдагы шайлоого «Ынтымак» партиясынын тизмесинде 5-талапкер катары катышып, ɵз участогумдан 1300–1400 добуш алдым. Эл ишеним кɵрсɵтʏп, шаардык кеңешке депутат болуп шайландым. Депутаттардын 99% добушу менен вице-спикерликке – Ош шаардык кеңешинин тɵрагасынын орун басары болуп шайландым.

Вице-спикердин вазыйпасы

-Вице-спикер катары тɵрага жок учурда анын функцияларын аткарам. Мен негизинен финансылык жана чарбалык иштер боюнча кɵзɵмɵл жʏргʏзɵм. Кеңештеги 6 депутаттык комиссиянын ишин координациялоо, алардын иш пландарын кароо, жыйындарды ɵткɵрʏʏ, чечимдерди кабыл алуу — менин негизги жумуштарым.

Ош шаары соңку жылдары тез ɵзгɵрʏп, ɵнʏгʏп жатат. Мэрибизге чоң ыраазычылык. Иштегенине аз убакыт болсо да, чоң иштерди аткарды. Орустар:“Красота требует жертв”-, дегендей шаарыбыз кооз болуш ʏчʏн айрым курмандыктарга да барууга туура келип жатат.

«Тɵрага менен кɵз карашыбыз кɵп учурда дал келет»

-Тɵрага Болот Баетов менен иштешʏʏ жеңил. Ал кɵптʏ кɵргɵн, бир чакырылышта депутат болгон тажрыйбалуу инсан. Ал да юрист болгондуктан, экɵɵбʏздʏн кɵз карашыбыз кɵп учурда дал келет. Билбеген нерсемди сурап турам, ал да кээде менден кеңеш сурайт. Биздин ортобузда атаандашуу жок. Турмуштук кеңештер менен да бɵлʏшɵбʏз. Ишти макулдашып, биргеликте жʏргʏзɵбʏз. “Век живи – век учись” деген орусча сɵздʏн тууралыгын ушул кызматта жʏрʏп айкын тʏшʏндʏм.

Маданиятка жана спортко жакындык

-Окучулук кезимде заманыбыздын кеменгери Чыңгыз Айтматовдун бардык чыгармаларын окуганмын. Жек Лондондун чыгармаларын да сʏйʏп окуйм. Акыркы он жылдан бери ошол эле китептерди кайрадан окуп келе жатам. Азыркы тʏшʏнʏгʏм, кабыл алуум таптакыр башкача.

Футбол жана шахмат – менин хоббим. Шахмат ойноп отурсаң, иштеги проблемаларды унутасың.

Ыр дʏйнɵсʏ – жʏрɵктʏн ʏнʏ

-Эски ырларды ɵзгɵчɵ жакшы кɵрɵм. Ɵзгɵчɵ Рысбай Адыкадыров, Асанкалый Керимбаевдердин ырлары жан дʏйнɵмɵ жакын. Ошондой эле, дʏйнɵлʏк классиктерден «Битлз» (The Beatles) тобунун ырлары – жʏрɵктɵн чыккан, жʏрɵккɵ жеткен ырлар болуп саналат. Алар менин жаштыгымды эске салат. Кийинки муундардан Бек Борбиевдин ырларын кɵп угам. Ыр менен эскерʏʏ – бул да ностальгиянын бир тʏрʏ.

ʏй-бʏлɵ – жашоодогу эң чоң байлык

-5 балам бар: 3 уул, 2 кыз. Жубайым бала бакчада орус тилинен мугалим. Тун уулум Америкада окуйт, кызым Бишкектеги Ала-Тоо университетинин лингвистика факультетинин 3-курсунда. Ортомчу уулум курулуш боюнча колледжде билим алууда. Эки кенже балам мектепте окушат.

Саякат – аң-сезимди кеңейтет

-Акыркы жылдары саякатка да кызыга баштадым. Балдарыма чет ɵлкɵгɵ чыгуучу паспортторду алып, былтыр Ташкентке бардык. Быйыл кышында Астана же Алматыга баруу планыбызда бар.

Кызым саякаттоого ɵзгɵчɵ кызыгат. Акча керек эмес, эл кɵрʏп, жер тааны деп айтып келем. Германия, Франция, Швейцария сыяктуу ɵлкɵлɵрдʏ кɵрʏп келип, дʏйнɵгɵ болгон кɵз карашы ɵзгɵрдʏ. Эми Австрия жана Италиядагы Милан шаарына барам деп даярданып жатат.

Кызыктуу окуялар – саясаттагы жылмаюу

-Сессияда олуттуу маселелерди талкуулап жатканда кʏтʏлбɵгɵн кʏлкʏлʏʏ окуялар болуп калат. Бир ирет Ош шаарынын вице-мэри Замир Юсупов Оштун экс-мэри Мелис Мырзакматов жɵнʏндɵ сɵз кылып: “Бул киши, ал киши”-, деп айтып жатса, мэр Жеңишбек Шермаматович: «Сиз Мырзакматовдун жеңеси болосузбу, аны тергегендей?, — деп тамашалап жиберген. Ошол учурда залда отургандар дуу кʏлʏшкɵн.

Жɵнɵкɵйлʏк – адамдык сапат

-Бир туугандарым мени «эркетай» дешет, бирок эрке болуп чоңойгон жокмун. Атам айылда кара жумушка ʏйрɵттʏ. Азыр да дыйканчылык, мал чарба менен алек болом.

Социалдык тармактарда 60–70 пайыз эл:“Жɵнɵкɵйлʏгʏңʏздʏ баалайбыз”-, деп жазышат. Бул – мен ʏчʏн чоң мотивация. Адам ɵзʏнɵ-ɵзʏ баа бере албайт, бирок элдин берген баасы – эң чыныгысы.

Чыныгы достук

-Менин эң жакын, “акыреттик” досторум – айылдаш досторум. Кээде шаар менен айылда бир кʏндɵ той болуп калса, айылдагы досторду тандайм. Себеби, алар менен достук таза болгон, эң баалуусу да ошол. Алар менен акыл кире электе, эч кандай пайданы кɵздɵбɵй достошконбуз.

Саясаттагы жакын досум – биздин партиядан депутат болуп келген Эрнис Кожоев. Экɵɵбʏз абдан жакын болуп кеттик. Кʏндɵ жок дегенде бир жолу сʏйлɵшпɵсɵк, бир нерсе жетишпей калгандай болобуз. Ал кɵп системада иштеген, кɵз карашы кең, иш билги жигит.

«Эл ишенимин актайлы»

-Кандай кызматта болбосун, эл ишенимин актоо – мен ʏчʏн биринчи орунда турат. Таза иштɵɵ, эл менен ачык болуу, жɵнɵкɵй жʏрʏʏ – бул менин жашоо философиям.

Бʏгʏнкʏ кʏндɵ вице-спикер катары кеңештеги ар бир чечимди элдин кызыкчылыгы ʏчʏн кабыл алууга аракет кылып жатам. Мекеним, элим, шаарыбыз ʏчʏн болгон кʏчʏмдʏ жумшап, жоопкерчиликтин бийик ʏлгʏсʏн кɵрсɵтʏʏгɵ аракет кылам.

Айнура Валижанова