Электрондук билет системасы: кɵйгɵйлɵр жана келечектеги пландар

Ош шаардык муниципалдык автоунаа ишканасынын башкы инженери Ырысбек Жээналиев коомдук транспорт тармагындагы акыркы жаңылыктар, техникалык тейлɵɵ, жаңы каттамдар жана электрондук билет киргизʏʏ боюнча кенен маалымат берди. Ал Ош шаарындагы транспорт системасын жаңылоо, жʏргʏнчʏлɵр ʏчʏн шарттарды жакшыртуу, айдоочулардын даярдыгын кʏчɵтʏʏ жана заманбап технологияларды киргизʏʏ багытында аткарылып жаткан иштер менен тааныштырды.

Шаардагы автобустардын жана троллейбустардын паркы кеңейип, жаңы маршруттар ачылып, техникалык тейлɵɵ кʏчɵтʏлʏп, жʏргʏнчʏлɵр ʏчʏн ыңгайлуу шарттар тʏзʏлʏʏдɵ. Мындан тышкары, электрондук билет системасын киргизʏʏ аркылуу коомдук транспортту башкарууну санариптештирʏʏ иштери жʏрʏп жатат, бул система шаар тургундары ʏчʏн ыңгайлуулук, тездик жана коопсуздук камсыз кылат.

Ош шаардык муниципалдык автоунаа ишканасынын башкы инженери Ырысбек Жээналиев:

“Троллейбустар сентябрда алып келинип, жʏргʏнчʏлɵр ʏчʏн бардык шарттар каралат”

-Ош шаардык муниципалдык автоунаа ишканасы 1977-жылы коммуналдык чарба башкармалыгынын курамында тʏзʏлгɵн. 1988-2001-жылдары транспорт жана коммуникация министрлигинин курамында болгон. 2009-жылдын 16-февралынан тарта Ош шаардык мэриясынын автоунаа ишканасы болуп ɵзгɵртʏлгɵн. Учурда ишканада 150 автобус жана 35 троллейбус иштейт. Япониянын Isuzu маркасындагы автобустар Ɵзбекстандын Самарканд шаарында чогултуу жолу менен чыгарылган. Бул автобустар мʏмкʏнчʏлʏгʏ чектелген жарандар ʏчʏн пандус менен жабдылган жана кондиционер орнотулган.

Бишкек шаарынан Ошко 75 троллейбус алып келинген. Учурда жолдорду кеңейтʏʏ жана троллейбустун линияларын жылдыруу иштери жʏрʏп жаткандыктан, Бишкек шаарынан дагы да троллейбустарды ташып келʏʏ, 15-сентябрдан баштап пландаштырылууда.

Шаардагы каттамдар

Азыркы учурда Ош шаардык муниципалдык автоунаа ишканасы шаардагы 13 каттамды тейлейт. Айрым каттамдар тууралуу маалымат:

• 43-каттам — Паспорт столдон Ак-Тилек шаарчасына чейин;

•7-каттам — Аэропорттон Юго-Востокко чейин;

•49-каттам — Кыргыз чек ооруканасынан башталып, Эски базарды аралап, ОшТУга чейин каттайт;

•25-каттам — Жайма базардан Южный кичи районуна чейин;

•13-каттам — Автобекеттен Батыш микрорайонуна чейин.

Шаардык транспорттук кызматтар ʏзгʏлтʏксʏз жана пландуу тʏрдɵ иштейт, бул жʏргʏнчʏлɵрдʏн коопсуздугун жана убакытын ʏнɵмдɵɵгɵ жардам берет.

“Жаңы маршруттук каттам ачып жатабыз”

-Учурда ачылып жаткан жаңы маршруттук каттамдар, шаар тургундарынын талаптарына ылайык транспорт системасын жаңылоого кɵмɵк кɵрсɵтʏʏдɵ. Мисалы, жаңы маршрут жаңы Борбордук базардан башталып, Осмонов кɵчɵсʏ, Мамыров кɵчɵсʏ аркылуу илгерки Кирпичный завод аркылуу келип, андан Амир-Темур кɵчɵсʏ менен ɵтɵт. Араван аялдамасы аркылуу, Курманжан датка кɵчɵсʏ менен Резиденцияга чыгат. Андан тɵрɵт ʏйʏнɵ чейин барып, С.Бахапова кɵчɵсʏ аркылуу Юго-Востоктогу ОшТУ аялдамасынан кайра кайтып келет. Кайтканда “Таатан” соода борбору аркылуу Масалиев кɵчɵсʏ менен мурунку Дом-Быта жана Рыспай Абдыкадыров кɵчɵсʏ аркылуу Араван аялдамасы жакка бурулат. Убакыттын кыска болушунан азырынча убактылуу Араван аялдамасы аркылуу каттап жатат, келечекте Новаи кɵчɵсʏ аркылуу ОблГАИден ɵтʏп, кайра Жаңы базарга чыгат.

Башка каттамдар

•9-маршрут — Достук бажысынан, Араван аялдамасы аркылуу Гапар Айтиев кɵчɵсʏ менен Борбордук базарга барат. Андан кийин Осмонов кɵчɵсʏ аркылуу Южныйга чыгып, кайрадан Жаңы базар жана Алымбек Датка кɵчɵсʏ аркылуу Автобекетке, андан кайра Достук бажысына кайтып келет.

•10-маршрут — Он-Адырдагы 177-кварталдан башталып, Шакиров кɵчɵсʏ аркылуу Монуев жана Масалиев кɵчɵлɵрʏнɵн ɵтʏп, Ош райондон кайрылып базарга кирет. Эски жана Жаңы базар аркылуу ɵтʏп, кайра Он-Адырга чыгат.

•6-каттам эски базар — Соколок айыл каттамы — эски базардан Жаңы базар аркылуу Кеңеш айылындагы Соколок айылына чейин каттайт. Кайтканда дагы ошол жол менен жʏрɵт.

•53-каттам — Манас айыл аймагындагы паспорт столдон Эски базар аркылуу Жаңы базарга барат. Азырынча жолдор жабык болгондуктан, Манас аймагындагы паспорт столго барбастан, эски базардын айлампасынан кайтып жатат.

•24-автобус — Мурунку 124 каттам ордуна ачылган. Эски базардан Жаңы базарга, андан Тɵлɵйкɵн айылына чейин каттайт. Кайтканда ортолуктагы Тɵрɵт ʏйʏн аралап ɵтɵт.

“Автобустарды жана маршурткаларды техникалык тейлɵɵдɵн тез-тез ɵткɵрʏп турабыз”

-Техника болгон соң сɵзсʏз тʏрдɵ мʏчʏлʏштʏктɵр болот. Бирок кандай кɵйгɵй жаралбасын, биз аны ɵз убагында оңдоп-тʏзɵп, кайра калыбына келтирип турабыз. Техникалык тейлɵɵнʏн эки деңгээли бар: №1 жана №2 техникалык тейлɵɵ. Анда слесарлар жана атайын автобустарды оңдоочулар дайыма иштешип, майын, фильтрлерин алмаштырып, болт-гайкаларды катыруу сыяктуу иштерди ɵз убагында жʏргʏзʏп турушат. Ар бир транспорт каражаты километраж менен белгиленет. Инженерлер белгиленген мɵɵнɵттɵ майларын алмаштырып, керектʏʏ оңдоолорду жʏргʏзʏп турушат.

“Айдоочулар келбей калса, ордун сɵзсʏз адам коюп турабыз”

-Кээде айдоочулар жумушка чыкпай калган учурлар болот. Ооруп калуу, ʏй-бʏлɵлʏк себептер байланыштуу болушу мʏмкʏн. Мындай жагдайларды дагы эске алып, ар бир линияга 1-2 резерв айдоочуларды жана автобустарды дайындап койгонбуз. Кокустуктар болуп калса, дароо ордуларына чыгып, ʏзгʏлтʏккɵ жол бербегенге аракет кылынат.

“Акыркы убакта QR-код менен тɵлɵɵдɵ кɵйгɵй жаралып жатат”

-Акыркы жылдары автобустарда QR-код менен тɵлɵмдɵ кээде мʏчʏлʏштʏктɵр болуп жатат. Бир жыл мурун “электрондук билет” системасын киргизʏʏ боюнча конкурс жарыяланган. Ага 4 компания катышып, казакстандык “Элдик Пей” компаниясы жеңип алган. Бирок алар бардык талаптарды аткара албай жатканы ʏчʏн келишимди бузууга аргасыз болдук. Азыр россиялык компаниялар менен сʏйлɵшʏʏлɵр жʏрʏп жатат. Негизги максатыбыз — электрондук билет системасын сɵзсʏз ишке киргизʏʏ. Бул шаар тургундары ʏчʏн ыңгайлуулукту жана коопсуздукту жогорулатат.

“Айдоочулар менен жʏргʏнчʏлɵр келишпесе чара колдонулат”

-Коомдук транспортто айдоочулар менен жʏргʏнчʏлɵрдʏн ортосунда тʏшʏнбɵстʏктɵр да кездешет. Кээде жʏргʏнчʏлɵр аялдама жок жерден токтотууну талап кылып, токтобосо орой сʏйлɵп кеткен учурлар катталат. Бирок айдоочулар да кээде эреже бузушат. Мындай учурда убагында эскертʏʏ берилет жана зарыл болсо жаза колдонулат. Айрым учурларда айдоочулар жумуштан алынган учурлар болот. Инструктаждар кʏн сайын ɵткɵрʏлʏп, кызматкерлердин кесипкɵйлʏгʏ жогорулатылат.

“Айдоочулар ɵз кызматтарын так аткаруу ʏчʏн, бардык шартты тʏзʏп беребиз”

-Салыштырмалуу 2022-жылга караганда транспорт паркын жаңылоодо бир топ ийгиликке жетиштик. Азыркы учурда тастыкталган инженерлер, автобус оңдоочулар жана айдоочулар ɵз кызматтарын так жана сапаттуу аткарып жатышат. Бардык кызматкерлер атайын конкурстан жана текшерʏʏдɵн ɵткɵн. Эгерде айдоочулар жакшы айдай албаса кошумча ʏйрɵтʏʏлɵр берилет. Бул аркылуу транспорттун ʏзгʏлтʏксʏз иштеши жана жʏргʏнчʏлɵрдʏн коопсуздугу камсыздалат.

“Биздин максат — элибизге эң жакшы коомдук транспорт кызматтарын кɵрсɵтʏʏ”

-Ош шаардык муниципалдык автоунаа ишканасынын максаты — шаар тургундарына сапаттуу, коопсуз жана заманбап коомдук транспорт кызматтарын кɵрсɵтʏʏ. Жаңы троллейбустар, кеңейген маршруттар, электрондук билет системасы жана кʏчɵтʏлгɵн техникалык тейлɵɵ -булардын бардыгы Ош шаарындагы коомдук транспортту сапаттуу деңгээлге чыгарууга багытталган.

Таңсулуу Сʏйʏнали кызы