“ЭРГYY” УЛУТТУК СЫЙЛЫГЫНА ЭЭ БОЛГОНДОР

Эл аралык театр кʏнʏнɵ карата  тапшырылган  “Эргʏʏ” улуттук театр сыйлыгына Ош улуттук драма театрынын 7 ишмери ээ болду.  Бул улуттук сыйлык кыргыз театрларында коюлган спектаклдерди жаратуучулардын жана чыгармачылык ийгиликтерге жетишкен  театр кызматкерлеринин мыктыларына тапшырылды. Алардын ичинде 4 номинация театрыбызда 2022-жылы коюлган Г.Фигейредонун “Эзоп” спектаклине:

1.Ош улуттук драма театрынын кɵркɵм жетекчиси, Кыргыз Эл артисти Талантбек Апыевге  “Мыкты режиссуралык иши” номинациясы;

2. Башкы сʏрɵтчʏ, КРнын маданиятына эмгек сиңирген ишмер Бакытбек Тилекматовго – “Мыкты сценография”;

3. Артист Арген Тойчуев  – “Эркектин эң мыкты ролу”;

4. Актриса Надира Сарыковага– “Аялдын эң мыкты ролу”;

5. Артист Бакытбек Мойдуновго – А.Чеховдун «Сунуш» комедиясында “Экинчи пландагы эркектин мыкты ролу”  номинациялары ыйгарылды.

Мындан тышкары ОУДТнын кызматкерлери: Урпия Орунбекова “Театр ɵнɵрʏнɵ арналган ʏзʏрлʏʏ эмгеги”  жана Гʏлжамал Абдыкадырова “Аймактык театрда кɵп жылдык ʏзʏрлʏʏ эмгеги”  ʏчʏн “Эргʏʏ” сыйлыгына арзышты.

Ошондой эле 2022-жылы Ош улуттук драма театрында коюлган «Кулан» тарыхый драманын автору Айжамал Масылбекова «Эң мыкты драматург» номинациясына ээ болду. Ал «Эргʏʏ» сыйлыгына ОУДТ тарабынан сунушталган.